الجمعة، 11 نوفمبر 2011

شارع الذكريات

كنت قاعد فاضى خايف م الظلم اللى صبحت فيه
قلت انزل شارع حياتى وذكرياتى وابص فيه
كل واحد ماشى فى شارعنا بيدور على ذكريات
بيدعبس فى ماضى عدى بيبص فى كل اللى فات
وانا ماشى فشارع الذكريات
شوفت الغريب والعجيب شوفت القديم والجديد
شوفت اللى بيدور على صحاب من ذكرى زمنه اللى فات
وانا ماشى فى شارع الذكريات
شوفت اللى بيبدا حياته
واللى بيبكى على حب مات
واانا ماشى فى شارع الذكريات
لاقيت ناس بينها مسافات
وحقد وكره ومتاهاات
لاقيت القريب ولاقيت البعيد وكله مشغول ومهموم بالمشكلات
وانا ماشى فى شارع الذكريات
شوفت ناس بتناقش مشكله العالم الحالى واللى فات
بتقارن بين زمن ساد فيه الخير والمحبه وبين زمن كل واحد يقول فيه هات وهات

وانا خارج من شارع الذكريات
عرفت ان الندم لا بيفيد ولا البكا بيرجع اللى مات
عرفت ان الكدب فى حياتنا والخداع بقى شلالات
عرفت ان الناس بتكره والقلوب صبحت سواد
نسيت ان الخير بيشفع لصحابه يوم الممات
نسيت ان الحب توليفة من اجمل الصفات
يا عينى على المشاعر وياعينى على النفوس
وياعينى على الناس اللى بتدور على الكنوز
وياعينى على البنات اللى بتحب الفلوس
تنسى الحب والجواز ومش مهم غير الفلوس
والشباب اللى باع حياتة وصدّق انه منحوس
انا مش جاى اعمل مشاكل انا جاى اصحى النفوس
ليه كل امل بيزوقنا بنسيبه وعليه ندوس
فووق بقى من اللى انت فيه
ده احنا اللى زرعنا الاراضى وبنينا بنك الفلوس
ليه الكسل فى حلمنا
ليه فى بحر الاحزان نغوص
ليه كل شاب فى حياته
مستنى عفريت فانوس
ليه الناس بتكره بعض ؟ وليه مش شايفة حد
ليه كل واحد شايف انه لوحده عايش مش جمبه حد
ليه عينى مش شايفة خير
ليه دايما قدامى سد
ليه شارعنا بذكرياته بكل حاجة حلوة ، اتهد

 .. كتابة مشتركة بيني وبين صديق ليا اسمه مصطفي السيد

ليست هناك تعليقات: