أنتي ياللي معرفكيش
بصي بقي .. كلام مع بقية الناس مفيش
هزار بالأيد مفيش .. وأي حد غيري يكلمك مترديش
أنتي ياللي معرفكيش
لو يوم زعلتك مني .. عادي جداً متقلقيش
عارف اني عصبي متخافيش
ولكني بصفي بسرعة .. وهتلاقيني جاي جري اصالحك
وعارفك هتتدلعي .. وتتمنعي .. واحتمال مترديش
.. واول ما اقولك بحبك .. هتضحكي .. وتعملي برضو زعلانة .. عشان اصالحك
وبصالحك برضو .. مع اني ببقي عارف أن مني أنا اي جرح يحصل جواكي مبتشليش
أنتي ياللي معرفكيش
لو جيتي متبعديش عني كتير عشان هتوحشيني.. وهقلق عليكي ... وانا لما بقلق
.. هخترعلك ميت حوار .. عشان اعرف كنت فين .. وازاي بعدتي عني كل ده
متسأليش
أنتي ياللي معرفكيش
خلي بالك مبحبش الكذب ابداً .. ودايماً بقفشه .. فمتحاوليش تخبي عني اي حاجة ..
أنتي ياللي معرفكيش
أنا عارف اني هتعب كتير علي اما اوصلك .. وابقي معاكي .. ولكني متأكد لما
ابقي معاكي .. هكون متأكد اني تعبي مارحش علي مفيش وأنك فعلاً تستاهلي ..
أنتي ياللي معرفكيش .. متتأخريش
هناك تعليقان (2):
كتيييير نااااااايس
ثانكس :)
إرسال تعليق